Уча учи нравом, а не словом.
Не сыпати бисера пред свиньями.
Ни в рыбах гласа, ни в ненаказанных добра дела не ищи.
Наказание корение имееть горко, а плод сладок.
Ни больнаго можеть исцелити златая кровать, ни немысленому на ползу слава и богатьство.
Лют конь уздою въздержиться, а скор гнев умом обуздаеться. Кротко слово разрушаеть гнев.
Ни птици упущены скоре можеши опять яти, ни слова из уст вылетевша възвратити можеши и яти.
Земнаго не сведая и небесных пытаеши.
Из одних уст исходить благословение и клятва.
Уне есть ногами поткнутися, нежели языком.
Достойно сугубо слышати, а единою молвити.